“KredAqro” Bank Olmayan Kredit Təşkilatı MMC Hüquq Departamentinin Rəhbəri vəzifəsinə işçi axtarışı elan edir.

Vəzifə öhdəlikləri

• Şirkətin ali rəhbərliyinə hüquqi risklər, biznes qərarələrinin hüquqi nəticələri, korporativ idarəetmə, əqli mülkiyyət hüququ və əmək hüququ məsələləri üzrə hüquqi məsləhətlər vermək.
• Hüquqşünaslardan ibarət komandanın fəaliyyətinə rəhbərlik etmək, tapşırıqları bölüşdürmək və mürəkkəb hüquqi məsələlər üzrə əməkdaşlara metodiki dəstək göstərmək.
• Hüquqi risklərin minimuma endirilməsi və qanunvericiliyin tələblərinə tam uyğunluğun təmin edilməsi məqsədilə hüquqi strategiyalar hazırlamaq və tətbiq etmək.
• Yeni layihələrin həyata keçirilməsi zamanı biznes bölmələrinə, risklərin idarə edilməsi və komplayns funksiyalarına hüquqi dəstək göstərmək.
• Tənzimləyici tələblərin icrasını, məlumatların açıqlanması prosesini və Azərbaycan Respublikasının Mərkəzi Bankı (AMB) və digər dövlət orqanları ilə qarşılıqlı əlaqələri hüquqi baxımdan müşayiət etmək.
• Müqavilələrin və şirkətin maraqlarının qorunmasına xidmət edən digər mühüm hüquqi sənədlərin hazırlanmasını, razılaşdırılmasını və hüquqi ekspertizasını həyata keçirmək.
• Məhkəmə mübahisələrini idarə etmək, məhkəmələrdə və barışıq sazişlərinin bağlanması prosesində şirkətin maraqlarını təmsil etmək, həmçinin kənar hüquq məsləhətçilərinin fəaliyyətini əlaqələndirmək.
• Hüquqi, müqavilə və korporativ sənədlərin saxlanılması üzrə səmərəli sənəd dövriyyəsi və arxiv sistemini təşkil etmək və idarə etmək.

İş şəraiti:

• İş yeri: Bakı şəhəri; 
• İş qrafiki: 08:30 - 17:30 (Bazar ertəsi - Cümə);
• Əmək haqqı müsahibə əsasında müəyyən ediləcək.

Namizədə tələblər

• Hüquq ixtisası üzrə ali təhsil.
• Hüquq sahəsində minimum 5 il iş təcrübəsi (bank, bank olmayan kredit təşkilatı (BOKT) və ya FinTech sektorunda təcrübəyə üstünlük verilir).
• Ən azı 3–5 nəfərdən ibarət hüquqşünas komandasının idarə olunması üzrə uğurlu rəhbərlik təcrübəsi.
• Azərbaycan Respublikasının qanunvericiliyini dərindən bilmək (müqavilə hüququ, korporativ hüquq, əmək hüququ, əqli mülkiyyət hüququ, AMB-nin normativ aktları, BOKT-lar haqqında qanunvericilik və fərdi məlumatların qorunması sahəsində qanunvericilik).
• Məhkəmə işlərinin aparılması, barışıq sazişlərinin bağlanması və biznes layihələrinin hüquqi müşayiəti sahəsində praktik təcrübə.
• Azərbaycan və rus dillərini sərbəst səviyyədə bilmək (hüquqi terminologiya və hüquqi sənədlərlə işləmək bacarığı daxil olmaqla).

Vakansiya ilə maraqlanan şəxslərdən CV – lərini recruitment@kredaqro.az elektron ünvanına Subject/Mövzu hissəsində Hüquq Departamentinin Rəhbəri qeyd etməklə göndərmələri xahiş olunur. 

Yeni vakansiyalardan daha tez xəbərdar olmaq üçün bizi sosial şəbəkələrdən izləyə bilərsiniz:
 

• Facebook
• Telegram
• LinkedIn